| सांगली समाचार वृत्त |
सांगली - दि. २८ जानेवारी २०२५
गॅसलायटिंग झाल्यामुळे व्यक्तीला मानसिक, भावनिक आणि सामाजिक पातळीवर मोठे तोटे होतात. आत्मविश्वास कमी होतो, आणि त्यांना स्वतःच्या निर्णयांवर सतत शंका वाटते. असुरक्षितता आणि असमर्थतेची भावना निर्माण होते. त्यांच्या वैयक्तिक नात्यांमध्ये तणाव वाढतो, आणि इतरांवर अवलंबित्व वाढते. मानसिक आरोग्यावर परिणाम होऊन चिंता, नैराश्य, किंवा आत्मविषयक नकारात्मक विचार वाढू शकतात. गॅसलायटिंगमुळे व्यक्तीला स्वतःची ओळख गमावल्यासारखे वाटते.
गॅसलायटिंग झालेल्या व्यक्तींच्या व्यक्तिमत्त्वाला धक्का बसतो. यामुळे कामगिरीत घट होते. एकटेपणा, आणि जीवना विषयीची नकारात्मकता निर्माण होते. त्यामुळे गॅसलायटिंगच्या प्रभावातून बाहेर येण्यासाठी योग्य समर्थन व तज्ज्ञांचा सल्ला घेणे अत्यावश्यक आहे.
..
चला तर.. जाणून घेऊ गॅसलायटिंग विषयी, प्रश्नोत्तर स्वरूपात
1. गॅसलायटिंग म्हणजे काय?
गॅसलायटिंग हा मानसिक गैरवर्तनाचा एक प्रकार आहे ज्यामध्ये व्यक्तीची वस्तुस्थिती, विचारसरणी किंवा भावनांवर प्रश्नचिन्ह निर्माण केले जाते. गॅसलायटिंगद्वारे एखाद्या व्यक्तीला स्वतःच्या निरीक्षणांबद्दल किंवा निर्णयांबद्दल शंका घेण्यास भाग पाडले जाते.
2. गॅसलायटिंग कसे वापरले जाते?
गॅसलायटिंग प्रामुख्याने खालील प्रकारे वापरले जाते:
वस्तुस्थिती नाकारणे : "असं काही घडलंच नाही" असं सांगून व्यक्तीची अनुभूती नाकारली जाते.
चुकीचं दोषारोपण : व्यक्तीला चुकीचं ठरवलं जातं.
गोष्टी वेगळ्या पद्धतीने सादर करणे : सत्याचा अपलाभ करून गोंधळ निर्माण केला जातो.
3. गॅसलायटिंग का वापरले जाते ?
गॅसलायटिंगचा उद्देश सहसा दुसऱ्यांवर वर्चस्व गाजवणे, त्यांना असुरक्षित वाटायला लावणे, किंवा त्यांच्या आत्मविश्वासाला धक्का देणे हा असतो.
दुसऱ्या व्यक्तीवर वैयक्तिक वर्चस्व मिळवण्यासाठी, साठी, दुसऱ्या व्यक्तीवर भावनिक किंवा मानसिक नियंत्रणासाठी
त्याचे सहकार्य मिळवण्यासाठी किंवा त्याचा विरोध टाळण्यासाठी गॅसलायटिंग का वापरले जाते
4. गॅसलायटिंग करणारी व्यक्ती कशी ओळखावी ?
A अशी व्यक्ती, त्याच्या टार्गेटचे विचार खोडून काढत असते किंवा चुकीचे ठरवत असते.
B अशी व्यक्ती स्वतःची मते सत्य म्हणून सादर करते आणि त्याच्या टार्गेटची मते चूक ठरवत असते.
D गॅसलायटिंग करणारी व्यक्ती, त्याच्या टार्गेटला त्याच्या निर्णयांवर सतत शंका घेण्यास भाग पाडतो.
E गॅसलायटिंग करणारी व्यक्ती, त्याच्या टार्गेटच्या मनात, त्याच्या स्वतःच्या विषयी आणि घेतलेल्या निर्णया विषयी मुद्दामहून गोंधळ निर्माण करतो किंवा संभ्रम निर्माण करतो.
5. आपल्या बाबतीत गॅसलायटिंग होत आहे का? हे कसे ओळखावे ?
A आपल्याला नेहमीच आपल्या स्मृती, भावना किंवा निर्णयांवर शंका वाटत असेल.
B एखाद्याशी बोलल्यानंतर असुरक्षित किंवा चुकीचं वाटत असेल.
C आपले अनुभव वारंवार नाकारले जात असतील.
D दुसऱ्याच्या मतांवर सतत अवलंबून राहावे लागत असेल.
E आपल्याला एकटं पडल्यासारखं किंवा गोंधळल्या सारखं वाटत असेल तर
आपल्या बाबतीत गॅसलायटिंग होत आहे असे समजण्यास हरकत नाही.
सावध राहा :
गॅसलायटिंग हा मानसिक त्रासाचा गंभीर प्रकार आहे. जर आपण किंवा आपला ओळखीचा कोणी याचा सामना करत असेल, तर तत्काळ विश्वासार्ह व्यक्तीशी चर्चा करा किंवा मानसिक आरोग्य तज्ज्ञांचा सल्ला घ्या. आपलं आत्मभान व आत्मविश्वास कायम ठेवा.
