उर्मिला कोठारेच्या कारने मजुरांना उडवलं, एकाचा मृत्यू, कारचा चक्काचूर !

| सांगली समाचार वृत्त |

मुंबई - दि. २९ डिसेंबर २०२४

अभिनेत्रीच्या कारने दोघांना उडवले. यामध्ये एकाचा मृत्यू झाला आहे तर दुसरा गंभीर जखमी झाला आहे. जखमीला रुग्णालयात दाखल करण्यात आले आहे. या अपघातात अभिनेत्री आणि तिचा कार चालकही जखमी झाला आहे.

पोलिसांनी दिलेल्या माहितीनुसार, कांदिवली परिसरातील पोईसर मेट्रो स्टेशनजवळ ही घटना घडली. अभिनेत्री उर्मिला काल (२७ डिसेंबर) रात्री तिचे शूटिंग संपवून कारमधून घरी जात होती. त्याचवेळी गाडीचा वेग जास्त असल्याने चालकाचा गाडीवरील ताबा सुटला आणि रस्त्याला कडेला मेट्रोचे काम करणाऱ्या दोन मजुरांना उडवले.

यावेळी एका मजुराचा घटनास्थळीच मृत्यू झाला तर दुसरा मजूर जखमी झाला. अपघातात कारचालकासह अभिनेत्री उर्मिला कोठारे या देखील जखमी झाली आहेत. या प्रकरणी समतानगर पोलिसांनी कारचालकाविरुद्ध गुन्हा दाखल करून पुढील तपास सुरू केला आहे. पोलिसांकडून पुढील तपास सुरु आहे.