नवे पॅन कार्ड येणार जुन्याचे काय ? शुल्क आकारले जाणार का ? शंका आहे, तर वाचा ही बातमी..

फोटो सौजन्य : Alamay स्टॉक

| सांगली समाचार वृत्त |

नवी दिल्ली - दि. १३ डिसेंबर २०२४

केंद्र सरकारच्या आयकर विभागाकडून करदात्यांना पॅन कार्ड देण्यात येते. आपण आयकर भरत असो अथवा नसो, अनेक ठिकाणी या पॅन कार्डची आपल्याला आवश्यकता भासते. सध्या आयकर विभागाकडून पॅन 2.0 च्या माध्यमातून जुन्या पॅन कार्ड ऐवजी नवे पॅन कार्ड देण्यात येणार आहे. त्यामुळे करदात्यांच्या मनात अनेक शंका उत्पन्न होत आहेत. नवे पॅन 2.0 पॅन कार्ड आले तर जुने पॅन कार्ड रद्द होणार का ? नवे पॅन कार्ड घेण्यासाठी शुल्क आकारले जाणार का ? जुने पॅन कार्ड वापरायचे म्हटले तर ते वैद ठरणार का ? अशा अनेक शंका व्यक्त होत आहेत. आमच्या वाचकांसाठी याबाबतची ही माहिती उपयुक्त ठरेल...

केंद्र शासन आयकर विभागामार्फत पॅन 2.0 माध्यमातून नवे पॅन कार्ड करदात्यांना देणार आहे. यावर क्युआर सुविधा उपलब्ध देण्यात आली आहे. याचा अर्थ जुने पॅन कार्ड रद्द होणार का ? तर नाही, ते देखील वैध असणार आहे. पण नव्या पॅन कार्ड वरील क्युआर कोड मुळे हे वापरणे करदात्यांना सोयीस्कर ठरणार आहे.

आता प्रश्न यासाठी शुल्क आकारले जाणार का ? ? तर तुम्ही हे नवीन क्यू आर कोड असलेले पॅन कार्ड, तुमच्या ईमेल विनामूल्य प्राप्त करू शकता. पण आपणास फिजिकल पॅनकार्ड हवे असल्यास त्यासाठी शुल्क आकारण्यात येणार आहे. ई-मेल वरील पॅनकार्ड मिळवण्यासाठी आयकर विभागाकडून कोणतेही शुल्क आकारले जाणार नाही. मात्र प्रत्यक्ष पॅन कार्ड मिळवण्यासाठी अर्जदाराला पन्नास रुपये निर्धारित शुल्क भरावे लागणार आहे.

भारताबाहेरील अर्जदारांकडून पॅन कार्ड मिळवण्यासाठी पंधरा रुपये व भारतीय टपाल शुल्क आकारले जाणार आहे. पॅन 2.0 प्रकल्प अद्याप सुरू व्हायचा असला तरी कर दाते सध्या त्यांच्या ईमेल आयडीवर पॅन कार्ड मिळवू शकतात. जर आयकर डेटाबेस विभागाकडे आपला ई-मेल आयडी नोंदणीकृत नसेल तर ई-मेल आयडी नोंद करून पॅन टू पॉईंट झिरो प्रकल्प अंतर्गत इन्कम टॅक्स डेटाबेस मध्ये ईमेल आयडी द्वारा विनामूल्य पॅन कार्ड अपलोड करू शकणार आहेत.

आता ईमेल द्वारा पॅन 2.0 मिळवायचे कसे ?

१) सर्वप्रथम https://www.onlineservices.nsdl.com/paam/requestAndDownloadEPAN.html या लिंकवर क्लिक करा.

 पॅन २.० ईमेल प्रोसेस मराठी (Photo – लोकसत्ता ग्राफिक्स टीम)

२) वेब पेजवर येताच पॅन, आधार (केवळ व्यक्तीसाठी), जन्मतारीख टाका.

३) आवश्यक माहिती भरल्यानंतर बॉक्स टिक करा आणि सबमिटवर क्लिक करा.

४) तुमच्या स्क्रीनवर एक नवीन वेब पेज ओपन होईल, जिथे तुम्ही आयकर विभागाकडे दिलेली माहिती अपडेटेड आहे की नाही हे तपासा. यानंतर तुम्ही वन टाइम पासवर्ड (OTP) पर्यायावर क्लिक करा.

५) OTP टाका आणि व्हेरिफाय करा. लक्षात ठेवा OTP फक्त १० मिनिटांसाठी वैध असेल.

६) पेमेंट प्रोसेससाठी तुम्हाला सोईचा वाटेल तो पर्याय निवडा. अटींशी सहमत असल्यास तुम्ही Proceed to Payment पर्याय निवडा.

७) देयक रक्कम तपासा आणि ‘Pay Confirm ‘वर क्लिक करा.

८) पेमेंट पूर्ण झाल्यावर, सुरू ठेवा वर क्लिक करा.

९) पेमेंट यशस्वी झाल्यानंतर आयकर डेटाबेसमध्ये अपडेट केलेल्या ईमेल आयडीवर पॅन वितरित केले जाईल.

तुमच्या नोंदणीकृत ईमेल आयडीवर पॅन मिळवण्यासाठी ३० मिनिटे लागू शकतात. तुम्हाला तुमच्या ईमेल आयडीवर पॅन न मिळाल्यास, तुम्ही पेमेंट तपशिलांसह tininfo@proteantech.in वर ईमेल पाठवू शकता. वैकल्पिकरित्या, करदाते त्यांच्या ग्राहक सेवा क्रमांकावर 020 - 27218080 किंवा 020 - 27218081 वर कॉल करू शकतात.

करदाते मित्रहो, वरील माहिती निश्चितच आपल्या फायद्याची ठरू शकते. आणि ते एक महत्त्वाची माहिती म्हणजे, काही व्यक्तीकडून याबाबत आपणास फोन, सोशल मीडिया वरून आपणास संदेश प्राप्त होऊ शकण्याची शक्यता आहे. कारण या नव्या प्रणालीच्या माध्यमातून फ्रॉड करणाऱ्या व्यक्ती वरील प्रमाणे आपणास संपर्क करून, आपणास ओटीपी शकतात. तर यासाठी आपण सतर्क राहून, कोणीही ओटीपी मागितल्यास तात्काळ फोन बंद करा अथवा सोशल मीडियावरील संबंधित मेसेज डिलीट करा. केंद्र शासनाच्या आयकर विभागाकडून, अशा प्रकारे सुविधा देणारी कोणतीही कंपनी केव्हा व्यक्ती नियुक्त करण्यात आली नाही. तेव्हा आपली फसवणूक होऊ नये, म्हणून काळजी घेण्याची आवश्यकता आहे.

-----------