Sangli Samachar

The Janshakti News

खा. विशालदादा पाटील यांच्या अध्यक्षतेखाली महापालिकेत आढावा बैठक संपन्न !


| सांगली समाचार वृत्त |
सांगली - दि. २८ जुलै २०२४
आज सांगली मिरज आणि कुपवाड महापालिकेच्या मंगलधाम येथे संभाव्य पूर परिस्थितीबाबत आढावा बैठक आयोजित करण्यात आली होती, या वेळी मा. जिल्हाधिकारी डॉ. राजा दयानिधी, आयुक्त शुभम गुप्ता, आ. डॉ विश्वजीत कदम , जिल्हा मध्यवर्ती बँक उपाध्यक्षा श्रीमती जयश्रीताई पाटील, युवा नेते जितेश भाई कदम, वीरेंद्र पाटील यांच्या उपस्थितीत सांगली मिरज आणि कुपवाड महापालिका क्षेत्रातील पूर परिस्थिती आणि प्रशासनाने केलेली उपाययोजना बाबत बैठकीत चर्चा करण्यात आली.

मा जिल्हाधिकारी डॉ राजा दयानिधी यांनी माहिती देऊन पूरबाधित नागरिकांनी घाबरून जाऊ नये, प्रशासनाने सर्व तयारी पूर्ण केली असून एन डी आर एफ, भारतीय सेना व मनपा अग्निशमन दल यांच्या माध्यमातून पूर बाधित नागरिकांना सुरक्षित ठिकाणी स्थलांतर करण्यात येत आहे, पूर परिस्थिती नियंत्रणाखाली असल्याने नागरिकांनी प्रशासनाच्या सुचनेचे पालन करून सहकार्य करावे असे आवाहन यावेळी करण्यात आले आहे.


मनपा क्षेत्रात पूरबाधित नागरिकांना स्थलांतर करून त्यांना सोयी सुविधा उपलब्ध करून देण्यात आल्या आहेत. अशी माहिती या वेळी आयुक्त शुभम गुप्ता यांनी दिली. मनपा प्रशासन सज्ज असून सर्व अधिकारी कर्मचारी पूरबाधित क्षेत्रात कार्यरत आहेत.

या वेळी जेष्ठ माजी स्थायी समिती सभापती सुरेश बापू आवटी, संतोष पाटील, माजी महापौर मेनुद्दीन बागवान, माजी नगरसेवक विष्णूं माने, संजयबापू मेंढे, प्रशांत पाटील, मंगेश चव्हाण, प्रमोद सूर्यवंशी अन्य पदाधिकारी, कार्यकर्ते अति. आयुक्त रविकांत अडसूळ, सहा आयुक्त नकुल जकाते उपस्थित होते.